पंढरीचा विठुराया

पंढरीच्या विठुराया

कित्येक वर्षांची तुझी परंपरा

आज थांबली ना रे

महामारी ने या

युगे अठ्ठावीस उभा

भक्तासाठी विठेवर तू

करमेल का रे तुला

भक्ताला भेटल्या वाचून

आई रुक्मिणी सुद्धा

रुसली ना रे भक्तावर

पहिल का रे ती वाट

भक्ताची या आतुरतेने परत

किती दिवस झाले

नाही गर्दी चंद्रभागे वर

आषाढी तर गेली देवा

आता कर्तिकीला तरी

होईल का रे भेट आपली

उभा वाळवंट सारा

रिकामा राहील दिवस तरी किती

आस तुझा दर्शनाची

लागली आम्हा भक्ताला

आषाढीला ऐकलं देवा

आलो नाही भेटीला

कर्तिकिला तरी आता

घेशील का रे भेट देवा

सगळ्या जगाचा रे बाप तू

लेकराच संकट तुला

करता नाही का येत दूर

घालऊन टाक ती महामारी

मारून टाक तो कोरोणा

राहू दे देवा आता 

मस्कफ्री सगळ्यांना

मास्कफ्री सगळ्यांना

मैत्री असावी...

मैत्री असावी,

खळखळत्या वाहत्या

नदीसारखी,

रातराणीच्या सुगंधासारखी

आकाशात दरवळणारी ...

मैत्री असावी,

गुलाबाच्या पाकळ्या सारखी

प्रेमाने एकमेकात

घट्ट धरणारी ...

मैत्री असावी,

मंद वाऱ्यासारखी

केसाची बट अलगद

झुलवणारी,

मनसोक्त हसणारी,

संकटसमयी धावुन

येणारी ...

मैत्री असावी,

शहाळा प्रमाणे

वरून कठीण पण आत थंड आणि

मधुर पाण्यासारखी ...

मैत्री असावी,

पावसाच्या

पहिल्या सरीसारखी

सुखाच्या सरींनी

चिंब भिजवणारी ...

मैत्री असावी,

जेवनातल्या मिठासारखी,

नसेल तर बेचव आणि असेल तर,

रुचकर जेवनासारखी ...

मैत्री असावी,

पहाटेच्या धुक्यासरखी,

थंडावा देणारी ...

मैत्री असावी,

उगवत्या सूर्या सारखी

नवा आशेचा किरण होऊन

आयुष्य तेजोमय कराणारी ...

मैत्री असावी,

पारिजातकाच्या फुलासारखी

नेहमी आंगण

सुगंधित करणारी ...

यशाला जिंकत जावं...

क्षीतिज्या पलिकडे धेय असावे, 

मनात असावी ती झेप,

गरुड़ भरारी ची ती तयारी, 

आणि बाहुमध्ये बळ असावे, 

उभारी भरारी साठी असावी, 

शोधत रोज नवे आकाश, 

तयारी असावी ती झुंजार,

कर्तव्या साठी तोड़ावेत, 

आपुलकी आणि भावनांचे पाश, 

कितीही दुःख झाले तरी, 

चेहऱ्यावर असावेत हास्य सदा,

मनात उठावे ते तरंग हजार,

कितीही मोठ्या समस्या आल्या,

तरी ध्येय असावे कठोर फार,

मनात तसे ठासून भरावे,

वाटचाल तशी सुरू असावी,

खुप दिवसां पासून वाटतय, 

तो दिवस फार काई नाही लांब,

विश्वास नेहमी स्वतःवर असावा,

मग येईल जगता आयुष्य,

अस एकदा तरी जगून पहाव, 

अपयशाला रोज हिनवत राहावं,

यशाला जिंकत जाव ...

यशाला जिंकत जाव ...

दिवाळी

दिवाळी चा सण म्हणजे आनंदाचा क्षाण 

वर्षातून एकदा येतो ते पण चार दिवस

सगळे अगदी आनंदात असतात

तयारी करतात आधी महिनाभर

          दिवाळी चा सण म्हणजे आनंदाचा क्षण

         श्री रामचंद्रांचा अयोध्या आगमन सोहळा

         अंधारावर प्रकाशाची मात आणि वाईटावर चांगल्याची मात

         आनंदाने क्षण जगायचा आणि प्रेमाची उधळण करण्याचा दिवस

दिवाळी चा सण म्हणजे आनंदाचा क्षण

सकाळचे अभ्यंग स्नान आणि फटाक्यांची आतिषबाजी

उटण्याचा वास आणि अत्तराची भुरळ 

भरपूर खरेदी आणि शुभेच्छांची रेलचेल

          दिवाळी चा सण म्हणजे आनंदाचा क्षाण

          दिवाळी म्हणल की आठवतो फराळ आणि नुसती मजा

          सगळ्यांची भेट आणि गप्पांची ती मैफिल 

          दिवाळीच्या त्या सुट्ट्या आणि 

           मामाच्या गावाला जायची ती गडबड

दिवाळी म्हणजे आनंदाचा क्षण 

मोठ्यांचा मान आणि छोट्यांची माया

घरातील स्त्री चा आदर तर लक्ष्मी चा मान

नवरा बायकोच नात तर बहीण भावाच प्रेम

यासगळ्यांची सांगड म्हणजे दिवाळी चा सण

          

शब्दातील भावना

भाषा कोणतीही असो,

महत्त्व आहे शब्दाला,

केवळ शब्दामुळेच समजते,

भाषेतील भावना ...

शब्द कोणताही असो,

महत्त्व आहे लिहिण्याला,

केवळ लिहिलं कसं यावरून समजते,

शब्दातील भावना ...

शब्द कोणताही असो,

त्याला अर्थ हजार,

काना, मात्रा, वेलांटी देते,

शब्दांना मान ...

शब्द कोणताही असो,

कसा व्यक्त होतो,

यामुळेच कळतात समोरच्याच्या,

मनातील व्यथा ...

शब्द कोणाचाही असो,

जुळतात मने, तुटतात नाती,

त्यामुळेच जुळतात दोन,

जीवांच्या भावना ...

शब्द कोणताही असो,

व्यक्त व्हायला मदत करतो,

कधी कधी तो नाही बोलला तरी कळतात,

मनातल्या भावना ...

शब्द कोणताही असो,

तो जपून वापरावा नाहीतर,

दुखावतात दोन माणसांच्या,

हृदयातील भावना ...

शब्द शब्द आहे मोठा,

दिसतो जरी तो छोटा,

तरी ठरतो सर्वांच्या आयुष्यातील नात्याचा,

धागा प्रेमाचा ...

स्वप्न ...

स्वप्न म्हणजे ...

अतृप्त इच्छेचा कल्पवृक्ष,

मनातल्या भावनांचा चित्रपट,

आयुष्यातील गोष्टींचा आभास,

    स्वप्न म्हणजे ...

    अफाट कल्पनांचा वट्वृक्ष,

    आकाशातील पक्ष्यांचे थवे,

    शहाळातील सुमधुर पाणी,

स्वप्न म्हणजे ...

अथांग सगरातील लाटा,

जोरात पड्णारा धबधबा,

झूळझूळ वाहणारे पाणी,

    स्वप्न म्हणजे ...

    कवितेतील गोड शब्द,

    संगीतातील मधुर कडवे,

    अनुभवातील गोड सार,

स्वप्न म्हणजे ...

भावनेचा गंध,

अर्थात स्वप्नगंध ...