सुखाची चटई ...

आठवणी तर येतातच ...

क्षण ते आठवतातच ...

सुख ते क्षणभंगुर. ...

व्हावे वाटते खूप पुरस्कृत ...

क्षणिक सगळे ते विचार ...

नंतर वाटे दिवस यावे हेच पुन्हा...

आठवणींची ती चटई ...

गुंतत रहावी अखंड ती ...

एकमेकात गुंतता धागे ...

फुलून येतील नाते सारे ...

गुंतलेले ते मन बावरे ...

पाहिल नाते जवळून ते ...

कळतील मग हृदयातील स्पंदने ...

रीथम त्या स्पंदनाची ...

वाजे मनी ती धून सुखाची ...

बासरी त्या श्रीकृष्णाची ...

भाव मनी येतील मग ...

गंमत सारी नात्यातली ...

कळेल खरी किंमत प्रेमाची ...

मग अजूनच होईल गुतागुंत ...

बंधने लागतील करू गुंफण ...

करावी वाटेल प्रत्येकाला ...

आठवणींचा तो घट्ट धागा ...

कधी काळा, कधी पांढरा ...

काही मऊ, काही खरखरीत ... 

मिळेल तो धागा आपण ...

गोळा करायचा पुढ्यात मग ... 

त्यांना गुंफून बनवायची  ...

ती आठवणींची चटई ...

आयुष्याच्या संध्याकाळी निवांत ...

त्या जगाची सैर करण्यासाठी ...

स्वप्नरंगात फिरण्यासाठी ...

सुखाची ती झोप घेण्यासाठी ... 

आठवणींची ती चटई ...

आठवणी...❤️

आठवतात त्या आठवणी ,

जिथे माझ नाही आपल होत , 

दाताने तोडलेले का असेना ,

अर्ध चॉकलेट सुद्धा वाटून खायचो ...

आठवतात त्या आठवणी ,

जिथे तू नाही तर मी नाही ,

खोट बोलून का होईना ,

शाळा मिळून बुडवायचो ... 

आठवतात त्या आठवणी ,

जिथे माझा मित्र नाही तर जिगर असायचा ,

दोघे एकत्र दिसलो तरी दुसर्‍यांना राग यायचा ,

पण आमचा दोस्ताना कट्टर असायचा ...

आठवतात त्या आठवणी ,

जिथे चूक माझी नाही तर तुझी असायची ,

एक्मेंकांवर ढकलून गोष्टी ,

सोबत मिळून सॉल्व्ह करायचो ...

आठवतात त्या आठवणी ,

जिथे तू माझा मी तुझा घरी , 

ढापा मारून का असेना ,

पण भेटायचो चहा च्या गप्पासाठी ...

आठवतात त्या आठवणी ,

जिथे टेंशन तुझे मी माझे तू , 

टिंगलीत का होईना टेंशन घ्यायचो ,

परत मिळून दुराही करायचो ...

आठवतात त्या आठवणी ,

जिथे मी तुझाशी तू माझाशी भांडायचो ,

एकमेकांवर खूप रागवायचो रूसायचो ,

पण प्रेम मात्र खूप करायचो ...

आठवतात त्या आठवणी ,

जिथे तुझा माझ्या मैत्रीच्या , 

पुसट जरी असल्या त्या खुणा , 

तरी त्यात रमून जायला ...

आठवतात त्या आठवणी ,

जिथे मूल मुलीच्या, मुलगी मुलाच्या प्रेमात असलेल्या ,

जगात सुद्धा आपण आपले ,

मैत्रीच्या बंधनात होतो ... 

आठवतात त्या आठवणी , 

जिथे तुझी आणि माझी मैत्री ,

डोळ्यात सलणारी असली तरी ,

दिखाव्याची कधीच नव्हती ...